O CHL Meigas asinou unha intensa xornada dobre en Ribadeo, cunha vitoria contundente pola mañá e un empate de enorme valor pola tarde ante un dos rivais máis fortes da categoría.
🔹 XORNADA 7
O Meigas impón o seu ritmo e goleada con autoridade en Ribadeo
Categoría: Infantil – Liga Regular 2025/2026
Enfrontamento: Club Hockey Isla Pancha vs CHL Meigas
Resultado ao descanso: 1–4
Resultado final: 1–7
Aliñación inicial: Mateo Villaverde (P), Cloe Álvarez, Aser Lage, Xoel Cayon, Juan Castedo
Banquiño: Uxía Vázquez (P), Paula Serén, Hugo Álvarez, Diego Rafael, Rodrigo Veiga
Goleadores: Diego Rafael (3), Paula Serén, Aser Lage, Juan Castedo, Xoel Cayon
Xogador destacado / MVP: Diego Rafael
Resumo do partido
Partido moi completo do CHL Meigas, que encarrilou o encontro xa na primeira metade cun ritmo alto e unha gran eficacia ofensiva. O equipo soubo mover o disco con criterio, atopar espazos e castigar cada erro do rival, chegando ao descanso cun claro 1–4.
Na segunda parte, o Meigas mantivo a orde, xestionou moi ben as rotacións e seguiu competindo con seriedade, ampliando a vantaxe ata un contundente 1–7 final. Un triunfo sólido, coral e entendido como un paso máis dentro do proceso de crecemento do grupo.
Frase do adestrador:
“Un partido para construír e prepararnos para os rivais máis complicados.”
Próximo rival: CPL Brigantium
🔹 XORNADA 8
Un Meigas maduro e competitivo rescata un empate de prestixio
Categoría: Infantil – Liga Regular 2025/2026
Enfrontamento: CHL Meigas vs CPL Brigantium
Resultado ao descanso: 0–1
Resultado final: 2–2
Aliñación inicial: —
Banquiño: Uxía Vázquez (P), Mateo Villaverde (P), Paula Serén, Cloe Álvarez, Hugo Álvarez, Aser Lage, Diego Rafael, Juan Castedo, Rodrigo Veiga
Goleadores: Diego Rafael, Rodrigo Veiga
Xogadora destacada / MVP: Uxía Vázquez
Resumo do partido
Encontro moi igualado ante un dos rivais máis esixentes da categoría. O CHL Meigas chegou ao descanso por detrás no marcador, pero sen perder nunca a orde nin a concentración.
Na segunda metade o equipo deu un paso adiante, mostrou carácter, intensidade e unha gran solidez colectiva para competir de ti a ti cun rival de máximo nivel. Os goles permitiron igualar o marcador e rescatar un empate moi traballado, que reforza a confianza do grupo e confirma a clara evolución competitiva do Meigas.
Frase do adestrador:
“Sabemos que somos os máis frouxos dos mellores, pero partidos como este demostran que con concentración e traballo podemos competir e sacar resultados.”
Próximo rival: Artabros Hockey Club
