O CHL Meigas suma tres puntos fundamentais tras un partido intenso e de moita tensión
Categoría: Alevín – Xornada 4
Club Hockey Isla Pancha vs CHL Meigas
Resultado ao descanso: 4 – 4
Resultado final: 5 – 6
Aliñación: Celia Becerra (P), Miguel Serén, Aser Lage, Álvaro López, Xoel Cayon
Banquiño: Lucas Ferreiro, África Míguez, Paula Lodeiro, Manuel Pampín, Gael Deiros, Xoel Somoza, Lara Gonzalez
Goleadores: Miguel Serén – 3, Álvaro López – 2, Xoel Cayon – 1
Asistencias: Álvaro López – 2, Miguel Serén – 1
Expulsións: Xoel Cayon – 2 min, Xoel Somoza – 2 min
Resumo do partido:
O CHL Meigas xogou un encontro cheo de emocións e ritmo frenético. A primeira metade foi un constante intercambio de goles que levou o partido ao descanso cun empate 4-4. O equipo soubo manter a calma e controlar as transicións, a pesar de que o rival xogaba con moita verticalidade.
A portaría estivo ben defendida por Celia Becerra, que, a pesar de ser o seu segundo ano competindo e da gran responsabilidade que asumiu, estivo á altura, mantendo o equipo vivo no encontro.
Na segunda metade, os Meigas melloraron no xogo, foron máis efectivos no ataque e, ao final, conseguiron unha vitoria clave para as súas aspiracións de clasificación ao grupo superior da liga.
Xogador destacado / MVP:
Álvaro López – Un líder no campo que soubo manter a calma cando máis se necesitaba, e aportou tanto en ataque como na dirección do xogo.
Frase do adestrador (Alex):
“Sabíamos que deste partido dependía moi probablemente a nosa clasificación no grupo superior da liga e, mesmo coa ausencia dunha peza fundamental como Leo, conseguimos sacalo adiante.”
Próximo rival:
CPL Brigantium
——————————————————————————————————————-
Derrota ante o líder, pero con boa reacción do CHL Meigas
Os Meigas loitan ata o final fronte a un CPL Brigantium superior
Categoría: Alevín
CHL Meigas vs CPL Brigantium
Resultado ao descanso: 2 – 10
Resultado final: 4 – 12
Aliñación: Celia Becerra (P), Miguel Serén, Aser Lage, Álvaro López, Xoel Cayón
Banquiño: Lucas Ferreiro, África Míguez, Paula Lodeiro, Manuel Pampín, Gael Deiros, Lara Gonzalez
Goleadores: Aser Lage – 2, Álvaro López – 1, Miguel Serén – 1
Asistencias: Aser Lage – 1
Penalizacións:
Álvaro López – 2 faltas → 4 min totais
Aser Lage – 1 falta → 2 min
Xoel Cayón – 1 falta → 2 min
Resumo do partido:
O CHL Meigas enfróntase a un CPL Brigantium que, probablemente, será o campión da competición. Un rival moi forte, cun ritmo ofensivo imparable, gran capacidade para ocupar espazos e unha presión constante que deixou pouco ou ningun espazo aos Meigas para manexar o balón e reaccionar.
O encontro se desequilibrou desde o principio debido ao alto nivel do rival, pero os Meigas souberon manter a súa calma e seguir buscando as ocasións de gol. A pesar da diferenza no marcador, o equipo non perdeu a súa identidade, e demostrou persistencia, carácter e intención de competir cada disco, aplicando as accións que se traballaron nos adestramentos.
Xogador destacado / MVP:
Aser Lage – Participou directamente en tres dos catro goles do equipo. A súa capacidade para finalizar, ler o xogo ofensivo e xerar perigo mesmo en situacións desfavorables foi destacada.
Frase do adestrador (Alex):
“Voume contento porque, ante un equipo tan difícil e tan ben traballado, algunhas das cousas que estivemos ensaiando nos últimos días medio saíron. Iso é o que nos ten que marcar o camiño.”
Próximo rival:
Morcegos HL
