Os lucenses compiten durante moitos minutos, pero a eficacia visitante decide o partido na segunda metade.
Cadete Preferente Masculina
Lugo Sala Acasti Reformas vs Caranza FS
Resultado ao descanso: 3-3
Resultado final: 4-7
Alineación: Álvaro, Pepe, Antón, Mateo, Lucas
Banquiño: Enzo, Alan, Xoel, Joao
Goleadores: Mateo, Xoel, Lucas (2)
Destacados da xornada: Lucas, Álvaro, Xoel
Resumo do partido:
O encontro comezou cunha primeira parte moi igualada, na que os ataques de ambos equipos se impuxeron claramente ás defensas. O Lugo Sala adiantouse no marcador por medio de Xoel e soubo manter esa vantaxe durante boa parte do primeiro tempo. Porén, nos últimos minutos antes do descanso o partido entrou nunha fase de absoluta tolemia, na que se marcaron ata cinco goles en apenas dous minutos, deixando un empate a tres ao intermedio que reflectía a intensidade e igualdade vivida na pista. Na segunda metade o partido seguiu unha tónica semellante, con alternancia no xogo, pero a diferenza estivo na eficacia de cara a portería. O Caranza soubo aproveitar mellor as súas ocasións, mentres que ao Lugo Sala lle custou ser contundente a nivel defensivo, o que acabou decantando o marcador do lado visitante nun tramo final no que os lucenses non lograron frear o acerto rival.
Clave do partido: Defensivamente non estar ben, tanto a nivel actitudinal como competitivo, e cando o partido estaba para ver de que lado caía, acabou caendo do lado do rival.
Frase de Miki:
«Mal partido do equipo que debe servir para desconectar e volver con máis ganas despois do parón.»
Próximo enfrentamento:
Para comezar o ano, o equipo de Miki afrontará un derbi contra o Casás, un partido sempre especial e de máxima esixencia.
