A defensa e os contragolpes foron as claves para que os lucenses se levasen, de novo, os tres puntos
División de Honra Xuvenil
Ribeira FS Sibuscascoche – CD Inter Sala Adarsa Mercedes
Resultado ao descanso: 2-0
Resultado final: 4-3
Alineación: Hugo Sánchez (po), Saúl, David, Marco, Tubio
Banquillo: Pablo Dorado (po), Dani, Álvaro, Iker, Mateo, Iago, Miguel, Héctor
Goleadores: Dani, Saúl (2), Propia porta
Destacados da xornada: Dani, Saúl, Tubio
Resumo do partido:
O partido comezou con ambos os equipos presionando alto, evitando que o rival se sentira cómodo co balón. O Ribeira FS conseguiu asentarse pronto e, sen moita posesión, optaba por contragolpes rápidos. O primeiro gol chegou tras un corner e un desvío dun rival, poñendo aos lucenses por diante. O rival tivo o dominio territorial, pero sen crear grandes ocasións, salvo algunhas boas paradas de Hugo. Xa ao final da primeira parte, un contragolpe levado por Iker e finalizado por Saúl, a tan só un segundo do descanso, colocou o 2-0.
Na segunda parte, o Inter Sala saíu coa intención de cambiar o rumbo do partido, aumentando a presión con balón. Con todo, o Ribeira respondeu cunha gran defensa. A primeira ocasión desta segunda parte foi para os locais, cun gol de Saúl tras un contragolpe, que poñía o 3-0, pero os rivais recortaron diferenzas inmediatamente. Os de Pablo continuaron defendendo ben e saíndo ao contragolpe, e nunha das saídas, Dani anotou o 4-1. Os visitantes tentaron a reacción, conseguindo marcar un gol máis para deixar o marcador en 4-3 xa co porteiro xogador, pero sen poder lograr a remontada.
Clave do partido:
A sólida defensa do foi fundamental para frear a un dos equipos que mellor ataca da liga, e os contragolpes foron claves para garantir a victoria.
Frase de Pablo Díaz:
«Fixemos un gran traballo defensivo contra un equipazo e soubemos aproveitar a nosa bazas para ganar o partido. Estou moi orgulloso dos rapaces e de como competiron».
Próximo enfrentamento:
O Ribeira FS Sibuscascoche xogará o vindeiro fin de semana contra o ADC Lugo Sala, un derbi que promete ser de gran rivalidade.
