Un gol tras outro ao contragolpe, deixa ao Ribeira FS sen opcións nunha goleada inesperada.
División de Honra xuvenil
Redondela FS – Ribeira FS Sibuscascoche
Resultado ao descanso: 5-0
Resultado final: 9-0
Aliñación: Hugo Sánchez, Iker, David, Álvaro, Tubio
Banquiño: Pablo Dorado, Marco, Mateo, Hadrian, Miguel, Iago, Dani
Resumo do partido:
O partido comezou cunha certa igualdade, pero un gol ao contragolpe do Redondela fixo que o Ribeira FS se vexa en desvantaxe no marcador. A pesar de que o equipo local comezou a controlar o partido, o Ribeira FS reaccionou nos mellores minutos do encontro, xerando ocasións e estando máis claro en ataque. Pero, cando faltaban 8 minutos para o descanso, outros dous goles ao contragolpe puxeron ao Ribeira contra as cordas, deixando o marcador case sentenciado co 5-0 ao descanso.
Na segunda parte, o Ribeira FS tivo os seus mellores momentos, pero un gol ao contragolpe no minuto 3 fixo que a remontada fose imposible. A pesar de intentar xogar co porteiro xogador, o Ribeira non atopou solución, e o Redondela FS seguiu aproveitando cada ocasión, ampliando a súa vantaxe ata o 9-0 final.
Clave do partido:
Non soubemos frear a un equipo letal ao contragolpe.
Frase de Pablo Díaz:
«Non podemos sair así nun partido fora da casa contra un rival que está por debaixo na clasificación. Borrón e conta nova para continuar.»
Próximo enfrentamento:
Os de Pablo Díaz recibirán no Municipal ao CD San Cristobal Cochinillo Tabladillo, terceiro clasificado, na procura de esquecer esta goleada e recuperar sensacións.
