Alevín Masculino – Oitavos de Final da Copa
Ribeira F.S. Manto Maquinaria vs Composala Milongas
Resultado ao descanso: 6-0
Resultado final: 9-2
Aliñación titular: Bruno – Nacho – Santi – Hugo Álvarez – Adriano
Banquiño: Pablo Álvarez – Iker Giraldo – Iker Cobas – Bruno Trashorras – Leo Doval – Alex Muñoz
O Ribeira F.S. Manto Maquinaria asinou unha primeira metade case perfecta no Pavillón do Palomar de Lugo. Dende o asubío inicial, os rapaces adestrados por Cabanas impuxeron un ritmo vertixinoso, con presión alta e circulación rápida que deixou sen resposta ao Composala. A intensidade defensiva foi clave para non conceder ocasións, mentres que en ataque amosaron unha gran variedade de recursos para rematar xogadas. O marcador de 6-0 ao descanso foi reflexo do seu dominio absoluto
Na reanudación, o Ribeira baixou algo o ritmo, posiblemente influenciado pola ampla vantaxe acadada. Aínda así, seguiron controlando o partido e sumaron tres goles máis ao seu marcador. O Composala tivo algo máis de presenza ofensiva, pero as súas chegadas foron ben neutralizadas pola defensa e portería do conxunto lucense. A relaxación foi natural, pero non comprometeu o control nin o resultado final dun equipo que continúa amosando madurez competitiva.
Os 3 mellores do Ribeira F.S. segundo o adestrador Cabanas:
3 puntos: Nacho
2 puntos: Hugo
1 punto: Santi
Clave do partido:
«A forma de entrar ao partido, dando o 100 %», segundo destaca o corpo técnico, foi decisiva para marcar diferenzas dende o primeiro minuto.
Próxima xornada:
O Ribeira F.S. Manto Maquinaria afrontará os cuartos de final da Copa o vindeiro fin de semana contra o potente 5 Coruña F.S., un vello coñecido que xa puxo en apretos aos lucenses na liga. Será un duelo de altos voos entre dous dos mellores conxuntos da categoría.
