O equipo lucense volveu demostrar o seu bo momento cun triunfo claro e traballado fronte a O Parrulo, nun encontro no que foi de menos a máis e acabou controlando o xogo con autoridade.
Acasti Reformas Lugo Sala – O Parrulo FS : Alevín Preferente Masculina
Resultado ao descanso: 1-0
Resultado final: 5-1
Aliñación: Nico (porteiro), Rafa, Miguel M., Mateo V., Oli.
Banquiño: Quiroga, Xabi, I. Villamor, Marco (porteiro).
Goleadores:
Oli (2), Miguel M. (2), Rafa.
O Lugo Sala comezou o encontro con intensidade e xerando ocasións moi claras, incluíndo un disparo ao pau e outra chegada perigosa ao segundo poste. Porén, a falta de definición xerou certas dúbidas e obrigou ao adestrador a pedir tempo morto para reaxustar o xogo e recuperar a calma. Esa tranquilidade deu froito antes do descanso, cando unha boa acción de estratexia rematada por Rafa abriu o marcador (1-0), un resultado que se quedou curto para o visto na pista.
Na reanudación, o equipo baixou a defensa a media pista para estar máis xunto e aproveitar as transicións. A primeira xogada co novo plan acabou en gol, poñendo o 2-0 e asentando o xogo lucense. A partir de aí, o Lugo Sala dominou con claridade e xerou moitas ocasións, aínda que o rival, moi directo, intentou reaccionar. No tramo final, Miguel M. e Oli ampliaron a vantaxe ata o 4-1, despois dun autogol que deu algo de aire ao Parrulo. Xa nos minutos finais, un penalti transformado completou o 5-1 definitivo, que puido ser maior tras errar un dobre penalti a favor.
Xogadores destacados: Marco, Miguel M., Rafa.
Clave do partido: A calma e o control mantidos a pesar das ocasións non materializadas, que permitiron sacar adiante o partido con oficio e bo xogo.
Próximo enfrontamento:
O Lugo Sala Acasti Reformas afrontará a próxima xornada un dos partidos máis especiais da tempada: un derbi lucense fronte á ACD Piringalla Huno Peluqueros. Será un duelo de máxima rivalidade entre dous conxuntos da cidade de Lugo que se coñecen á perfección, cheo de intensidade, emoción e moito talento das categorías base.
