O Ribeira FS non puido aproveitar as súas ocasións e sucumbiu ante o xogo combinativo do Fisober.
Copa Galicia Infantil Femenina, Grupo Norte 1
Fisober Dumbría – Ribeira FS 11teamsports A
Resultado ao descanso: 1-0
Resultado final: 2-0
Aliñación: Daniela Quijada (P), Alba Varela, Helena Castro, Tania López, Shaila Barreiro
Banco: Leire León (P), Aurora García, Aldara López, Irene Dobao, Sara Díaz, Laura Álvarez, Carmen Bouso
Goleadoras: Alba Veiga, Cira Porto (2)
Destacadas da xornada: 1-Daniela Quijada 2-Shaila Barreiro 3-Helena Castro
O encontro comezou cun ritmo elevado, con ocasións para ambos os equipos, o que demostraba a importancia do partido. O Fisober conseguiu poñerse por diante no minuto 21 cun disparo dende a frontal que a porteira do Ribeira non puido deter. A pesar disto, as xogadoras do Ribeira non se deron por vencidas e seguiron creando ocasións, aínda que perderon a Alba Varela por unha escordadura de nocello.
Na segunda metade, o Fisober mantivo o control do partido, mostrando un xogo combinativo e creando moito perigo. As lucenses, polo contrario, mostraron nerviosismo e un xogo acelerado que levou a numerosas perdas de balón. Nunha destas, oas locais recuperaron a posesión e sentenciaron cun gol dende a súa pista que fixo que o marcador se puxese 2-0. O Ribeira non logrou reaccionar e o encontro rematou con vitoria para as de Dumbría.
Clave do partido: A precipitación no xogo e a mala xestión mental fixeron que o partido se decantara a favor do Fisober
Lesión de importancia:
Alba Varela sufriu unha escordadura de nocello na primeira parte, que a impediu continuar no encontro.
Frase de Mini:
“Moi bo partido en canto a intensidade pero bastante mellorable a nivel de xogo e de confianza no traballo entrenado durante a semana.”Próximo enfrontamento:
O Ribeira FS 11teamsports A xogará a última xornada de grupos da Copa cun derbi lucense
