Lugo Sala necesita unha vitoria no derbi ante Ribeira e que Casás puntúe ante O Parrulo
No Pavillón Barrio das Flores, en A Coruña, o Lugo Sala Acasti Reformas demostrou un gran nivel de xogo e competitividade para impoñerse por un contundente 1-5 ao 5 Coruña F.S., nun partido no que dominaron de principio a fin.
Resultado descanso: 0-1
Resultado final: 1-5
Alineación do Lugo Sala Acasti Reformas:
Adri F., Samu, Gabri, Martín, Antón.
Banquiño:
Vila, Álex, Dela, Varela, Xoel.
Goles do Lugo Sala Acasti Reformas:
Gabri (1), Dela (1), Xoel (1), Varela (1), Propia porta (1).
Primeira parte: Control de balón e ocasións desaproveitadas
O equipo lucense comezou o encontro con moita intensidade e, desde os primeiros minutos, asumiu o control do xogo. A súa posesión foi clara e fluída, xerando numerosas ocasións de gol. Só necesitaron pouco máis dun minuto para adiantarse no marcador grazas a un tanto de Gabri, que anotou un gol cun disparo colocado que sorprendía ao porteiro rival.
A pesar da súa superioridade, o Lugo Sala non logrou ampliar a súa vantaxe durante o resto da primeira parte. O 5 Coruña, ben plantado atrás, logrou resistir as acometidas lucenses e, no último tramo do primeiro tempo, achegouse á portería de Adri F., pero sen lograr materializar ningunha das súas ocasións. O resultado de 0-1 ao descanso reflexaba o dominio dos visitantes, pero tamén deixaba aberta a posibilidade de que o 5 Coruña puidese volver ao partido na segunda metade.
Segunda parte: Explosión ofensiva
Na reanudación, o Lugo Sala Acasti Reformas púxose a traballar sobre o que fixeran na primeira parte, con pequenas melloras no ataque para ser menos previsible e máis directo. A súa maior verticalidade permitiulles crear máis perigo e aproveitar os espazos deixados polo rival. Así, cun gol en propia porta e outro de Varela, non tardou en sumarse á festa, anotando dous goles en accións rápidas que deixaron a defensa rival sen capacidade de resposta. Xoel tamén se sumou á lista de goleadores cun tanto que puxo o marcador nun cómodo 0-4 para o Lugo Sala.
O 5 Coruña F.S. intentou reaccionar, pero os lucenses estaban ben posicionados defensivamente e con Adri F. sendo un muro baixo paus. O Lugo Sala, que xa había amosado un xogo moi sólido, respondía cun novo gol, esta vez de Dela, que poñia o marcador cun casi definitivo 0-5. Non obstante, a defensa do Lugo Sala cometeu un erro no último treito do partido que permitiu ao 5 Coruña reducir a vantaxe co seu único gol.
A mellor nota: Traballo colectivo e o debut de Xoel
Un dos aspectos máis destacados do encontro foi o traballo colectivo de todo o equipo, que mostrou unha gran madurez no seu xogo e un bo entendemento dentro do campo. A pesar dos goles individuais, foi a paciencia e a coherencia no xogo do Lugo Sala o que lles permitiu dominar ao longo de todo o encontro.
Especialmente relevante foi o debut de Xoel, procedente da categoría infantil, quen demostrou estar á altura do reto co seu gol, aportando enerxía fresca ao equipo.
A frase do adestrador, Christian:
«Partido moi completo do equipo, onde demostrou desde o principio que queríamos facer as cousas ben e ser competitivos. Destacar o debut de Xoel, xogador en idade infantil.»
Clave do partido:
A clave para a vitoria do Lugo Sala foi a súa capacidade para manter a calma co balón, sabedores de que 5 Coruña F.S. xogaría defendendo de maneira moi replegada. A paciencia dos lucenses ao mover a pelota, así como a súa capacidade para xerar espazos e ser verticais nas últimas accións, fixeron que o equipo superara as barreiras defensivas rivais e ampliara a súa vantaxe no marcador.
Mirada á próxima xornada
Con este 1-5, o Lugo Sala Acasti Reformas queda segundo na clasificación con 33 puntos, a tan só un punto do líder, o Parrulo F.S., e con opcións de alzarse co título na última xornada. Na derradeira cita, o Lugo Sala xogará en casa o derbi fronte ao Ribeira F.S., mentres que o Parrulo F.S. tamén visitará Lugo para enfrontarse ao Casás, un equipo que chega a esta xornada cunha boa racha de 4 partidos sen perder, e que na primeira volta só perdeu 3-2 en Ferrol. Cabe destacar que O Parrulo F.S deixouse 10 puntos durante a tempada, todos contra equipos da nosa provincia, un empate e una derrota contra Burela F.S. e duas derrotas contra o Lugo Sala.
