As lucenses deixaron unha boa imaxe fronte a un dos equipos máis potentes da categoría, demostrando carácter e sacrificio defensivo.
Infantil Preferente Feminino grupo A1
Amarelle FSF – Ribeira FS En Boas Mans
Resultado ao descanso: 2-0
Resultado final: 6-0
Aliñación: Leire León, Laura Álvarez, Shaila Barreiro, Helena Castro, Daniela Coira
Banquiño: Alba Varela, Tania López, Sara López, Aurora García, Aldara López, Carla López, Irene de la Santísima Trinidad
Resumo do partido
Na primeira parte, o Ribeira comezou ben situado, cun sistema defensivo firme en 20 metros e consciente da calidade do rival. O Amarelle dominou o xogo e, aínda que tardou en abrir a lata, acabou poñéndose por diante. A pesar do marcador adverso, os primeiros vinte minutos das de Luna foron moi serios, mostrando un traballo colectivo sólido e ordeado.
Na segunda metade, o equipo lucense seguiu centrado nas tarefas defensivas, xa con sinais de cansazo e con menos capacidade para saír á contra. As herculinas continuaron mandando, pero sen brillo excesivo, atopando os espazos con dificultade. Leire, moi segura baixo paus e participando no xogo, deu aire ao equipo, que resistiu con dignidade ata o tramo final. O 6-0 reflicte a superioridade local, pero tamén o bo esforzo do Ribeira, que rematou satisfeito polo compromiso mostrado.
Xogadoras destacadas
Leire, Shaila, Aldara
Clave do partido
Saber sufrir con control.
Frase da adestradora
“É difícil defender 50 minutos a este nivel tan bo. Estou contenta porque o equipo deixouno todo.”
Próximo enfrontamento
Na seguinte xornada, o Ribeira En Boas Mans recibe ao Narón O Freixo, dous equipos empatados a 6 puntos, o que promete un gran partido.
