As capitalinas superaron con claridade ás Sarrias e consolidan a súa mellor versión da tempada
Meigallos vs Ribeira En Boas Mans
Preferente Infantil Femenina grupo 1B
Resultado ao descanso: 0-7
Resultado final: 2-11
Aliñación: Daniella, Cira , Nerea , Lola , Andrea ,
Banquiño; Alba, Candela , Paula, Esther, Elena
Goleadoras: Nerea Rodríguez (3), Lola(2), Cira, Andrea, Esther, Elena, Alba (2)
Destacadas da xornada:
- Esther
- Elena
- Candela
Resumo:
O Ribeira entrou no partido con forza e abriu o marcador moi cedo, anotando tres goles en apenas dous minutos. A diferenza de ritmo e experiencia entre ambos conxuntos fixo que o encontro se decantase rápido, cun acerto do 100% por parte das visitantes. Durante os primeiros vinte minutos, o Ribeira mantivo un bo xogo colectivo, aproveitando o partido para traballar accións de estratexia e crear numerosas ocasións.
Na segunda metade, as de Luna seguiron dominando a posesión, variando o seu sistema e buscando novas opcións ofensivas. O xogo fluíu con comodidade e o gran traballo das pivots tivo recompensa en varias xogadas de gol. O Meigallos, malia a superioridade rival, non deixou de loitar e logrou dous tantos, un deles un excelente disparo á escuadra. O Ribeira, pola súa banda, completou un partido serio, con boas rotacións e intensidade ata o final.
Clave do partido:
A capacidade para adaptarse a diferentes situacións e manter un ritmo alto durante todo o encontro.
Frase de Luna:
«Partido tranquilo no que traballaron moi ben e sírvenos para continuar na liña ascendente. Para a semana imos a por un reto esixente pero motivador para estas rapazas.»
Próximo rival:
Burela FSF, un duelo de nivel no que o Ribeira buscará manter a boa dinámica e seguir medrando como equipo.
