Millavén CP Lucense 60 – Asmubal Meaño 23
Xuvenil Masculino
Parciais: 29 + 31
Alineación Millavén CP Lucense
Martín; Lucas (20), Miguel, Adri (17), David (1), Hugo, Rodrigo (5), Víctor (1), Xan, Brayan (1), Feijoo (7), André (1), Amir (7).
Goles por partes: 29 + 31
Árbitra: Sara Gómez.
O equipo xuvenil masculino do Millavén CP Lucense protagonizou unha auténtica demostración de balonmán ofensivo ao impoñerse con claridade por 60-23 ao Asmubal Meaño, nun encontro no que o conxunto lucense acadou o obxectivo marcado: lograr unha ampla diferenza no marcador para manter vivas as opcións de entrar no Top-6.
O Millavén sabía que non lle chegaba só con gañar; tiña que facelo por unha diferenza moi elevada e agardar ao resultado do OAR Coruña en Culleredo. Con esa esixencia sobre a mesa, o equipo saíu á pista cun nivel altísimo de intensidade e acerto. Ao descanso, a vantaxe xa era notable, cun 29-12 que reflectía tanto a súa eficacia ofensiva como a seriedade colectiva no traballo.
Na segunda metade, lonxe de relaxarse, o Millavén volcouse por completo no obxectivo. Cada defensa, cada transición e cada finalización foron executadas coa máxima determinación, nunha segunda parte na que ampliou de forma continua a renda ata chegar ao 60-23 final. A diferenza de 37 goles ofrecía opcións reais de clasificación, pero todo dependía do outro partido da xornada.
Co encontro xa rematado, tocou esperar. A derrota do OAR por 24-20 en Tarrío fixo estalar a alegría no conxunto lucense, que confirmou así o seu pase ao Top-6 por tan só 1 gol de diferenza, premio ao enorme esforzo mostrado durante todo o partido e ao traballo colectivo que sostivo ao equipo nos momentos de máis presión.
