O conxunto lucense loitou ante o Portus Apostoli, pero o gran inicio dos locais e as expulsións marcaron o resultado final.
Xuvenil División de Honra – Grupo 1
Noia Portus Apostoli – Lugo Sala Acasti Reformas
Resultado ao descanso: 3-0
Resultado final: 7-1
Aliñación: Vila, Rión, Dela, Iago N., Aitor
Banquiño: Álex, Yagolin, Rodrigo, Maikol, Sanfiz
Goleadores: Sanfiz
Xogadores destacados:
- Iago N.
- Sanfiz
- Rodrigo
Resumo do partido:
O Lugo Sala Acasti Reformas viaxou á localidade coruñesa de Noia para medirse ao Portus Apostoli, líder sólido da categoría e invicto ata o momento. O encontro comezou coa superioridade dos locais, que marcaron o ritmo dende os primeiros minutos e aproveitaron as súas ocasións para marchar ao descanso cun cómodo 3-0. Os lucenses, pola súa parte, intentaron sorprender en defensa alta e tiveron algunha opción co marcador inicial, pero faltou acerto para castigar os erros do rival.
Na segunda metade, o Lugo Sala saíu coa intención de recurtar diferenzas, pero unha expulsión herdada da primeira parte acabou condicionando o xogo. O Noia aproveitou a inferioridade para facer o cuarto, e pouco despois ampliou a vantaxe ata o 6-0 en apenas dous minutos. A pesar da diferenza, os de Christian non baixaron os brazos e apostaron polo porteiro-xogador durante boa parte do segundo tempo, xerando posesións longas e ocasións claras, das que só Sanfiz conseguiu transformar unha en gol. No tramo final, outra expulsión penalizou aos lucenses e o Noia fixo o 7-1 definitivo, nun partido no que a diferenza de pegada foi determinante.
Clave do partido:
O Portus Apostoli mostrou máis eficacia nas súas chegadas e logrou unha vantaxe ampla dende o inicio, que o Lugo Sala non puido contrarrestar.
Expulsións:
Álex Rión e Iago N.
Frase de Christian:
«Partido onde non fomos competitivos nos primeiros minutos de cada parte, e iso condicionounos no marcador.»
Próximo rival:
O Lugo Sala Acasti Reformas recibe a próxima fin de semana ao Valladolid Sport Sala no Pavillón Municipal de Lugo. Agárdase un duelo igualado, no que os lucenses buscarán reencontrarse coa súa mellor versión e sumar un resultado positivo ante a súa afección.
