Os lucenses compiten de principio a fin, pero pequenos detalles inclinan o marcador a favor do Culleredo.
O Infantil Masculino do Millavén CP Lucense quedou sen premio nun encontro tremendamente equilibrado ante o Culleredo, decidido por pequenas accións nos instantes finais. A igualdade foi a nota dominante ao longo dos 50 minutos, cun intercambio constante de goles e alternativas no marcador.
A primeira metade desenvolveuse cun ritmo alto e máxima paridade, ata o punto de que ao descanso o resultado reflectía un 16-16 que facía xustiza ao visto sobre a pista. Millavén mostrou capacidade ofensiva e mantívose firme ante cada tentativa de escapada visitante.
Na segunda parte, os lucenses tiveron bos momentos para inclinar definitivamente o partido ao seu favor. Porén, varios erros non forzados e algúns fallos no lanzamento impediron consolidar esa vantaxe. O Culleredo soubo aproveitar esas accións para levar o encontro ao definitivo 31-33, deixando a Millavén sen recompensa pese ao esforzo realizado.
No plano ofensivo destacou Víctor, máximo anotador do equipo con 9 goles, ben secundado por Óscar (6), así como por Breixo e Ernesto (5 cada un). Tamén contribuíron Aryan (2), Hugo L. (2), Dylan (1) e Hugo F. (1), nun partido no que Rayan e Lucas defenderon a portería.
Alineación do Millavén CP Lucense:
Rayan e Lucas; Óscar (6), Leo, Andrés, Breixo (5), Víctor (9), Aryan (2), Dylan (1), David, Hugo F. (1), Hugo L. (2), Ernesto (5) e Nico.
Árbitros: Alfonso Canitrot e Sara Gómez.
