O Arenal Emevé infantil masculino sufriu a súa primeira derrota da tempada na Primeira División, ao caer por 3-0 na súa visita a Santiago.
O encontro, correspondente á segunda xornada de liga, estivo moi igualado, pero o equipo compostelán mostrou máis acerto nos momentos decisivos e acabou levando os tres sets por 25-19, 25-18 e 25-21.
O conxunto lucense chegaba a este partido tras debutar cunha convincente vitoria por 0-3 ante o Aceites Abril, polo que este resultado corta a súa boa dinámica inicial.
Na próxima xornada, o Arenal Emevé infantil masculino debutará como local na Casa do Deporte, onde recibirá ao Aldebarán, equipo que suma dúas vitorias nos dous encontros disputados ata o momento.
