O conxunto lucense confirmou o seu bo inicio de tempada tras o triunfo na primeira xornada ante o Aceites Abril (0-3), repetindo resultado nesta segunda cita do campionato.
Os parciais (12-25, 23-25 e 20-25) reflicten a superioridade do Emevé, que soubo manter a concentración nos momentos clave e resolver con solvencia un segundo set máis axustado.
Con este resultado, o Arenal Emevé mantén o pleno de vitorias e encabeza a clasificación da categoría. Na próxima xornada, o equipo debutará como local na Casa do Deporte, onde recibirá ao Aldebarán, nun duelo directo polo liderado, xa que ambos conxuntos chegan á cita con dúas vitorias en dúas xornadas.
