O Ribeira F.S. Meizoso Fernández viaxaba a Narón con moitas gañas e desexos de demostrar o seu xogo, pero o partido contra o Narón O Freixo F.S., segundo clasificado da categoría, resultou ser un reto máis que complicado. O equipo local, que chegaba ao encontro con tan só unha derrota na tempada, demostrou o seu gran nivel de xogo dende o primeiro minuto, deixando claro por que están no podium da liga.
Alineación do Ribeira F.S. Meizoso Fernández:
Nerea Corral Meilán, Antía Rodríguez Barral, Laura Álvarez Gutiérrez, Alma Díaz Fernández, Sara López Fernández
Banquiño: Irene de la Santísima Trinidad Dobao, Helena Castro Iglesia, Carmen Bouso Torrón, Aldara López Pardo, Daniela Coira Edrosa
Primeira parte:
O inicio do encontro foi unha verdadeira proba de resistencia para o Ribeira F.S. As xogadoras fixeron un esforzo defensivo por manter o resultado o máis igualado posible, pero as locais demostraron a súa superioridade, controlando o balón e creando moitas ocasións. A pesar de que o equipo visitante tratou de conter os ataques rivais, o descanso chegou cun marcador de 5-0 a favor do Narón O Freixo F.S., deixando as esperanzas do Ribeira xa moi reducidas.
Segunda parte:
A segunda metade foi máis do mesmo. As xogadoras do Ribeira intentaron aguantar a presión do Narón O Freixo F.S., que mantivo a posesión do balón durante a maior parte do tempo. O marcador aumentou de xeito imparable e, malia os intentos defensivos das visitantes, o partido rematou cun claro 10-0.
Claves do partido:
A diferenza de xogo foi notoria na posesión do balón, onde o Narón O Freixo F.S. foi superior en todo momento. A defensa do Ribeira F.S., malia ser valente e esforzada, non puido frear os ataques rivais. Sen embargo, os aspectos positivos non faltaron no equipo visitante, especialmente a actitud incansable das xogadoras.
As mellores xogadoras do partido:
– 3 puntos: Alma Díaz Fernández
– 2 puntos: Antía Rodríguez Barral
– 1 punto: Nerea Corral Meilán
Frase de Luna, adestradora do Ribeira F.S. Meizoso Fernández:
“Ánimo e a seguir, o camiño é longo e aprenderemos de cada partido. A mellora está no traballo constante”.
O próximo reto para o Ribeira F.S. será na súa casa, no que se medirá ao Burela Pescados Rubén F.S., un encontro no que as xogadoras de Luna buscarán manter o seu liderado en liga, tras a vitoria 2-3 na primeira volta en Burela.
