Os lucenses manteñen a iniciativa durante todo o encontro e resolven cun final de máxima tensión ante o BM Línea21.
O Infantil Masculino do Millavén CP Lucense iniciou a segunda fase cunha vitoria moi traballada diante do BM Línea21, nun partido no que o conxunto lucense amosou concentración e solidez desde os primeiros compases. Esa boa posta en escena permitiulle tomar a dianteira no marcador xa no inicio e marcar o ritmo do encontro.
Millavén chegou ao descanso cunha renda favorable de catro goles (18-14) tras unha primeira metade moi produtiva en ataque, na que soubo atopar solucións ante a defensa rival. O control do xogo permitiu aos locais xestionar a vantaxe con certa comodidade durante boa parte do partido.
Na segunda metade, o BM Línea21 axustou a súa defensa e conseguiu reducir a diferenza no marcador, aínda que en ningún momento logrou poñerse por diante. Millavén soubo sufrir nos minutos finais e manter a calma para defender a súa mínima vantaxe ata pechar o encontro no definitivo 28-27.
No apartado ofensivo destacou o reparto de responsabilidades, con Óscar, Víctor e Ernesto como máximos anotadores con 5 goles cada un, seguidos de Breixo e Nicolás (4) e Hugo L. (3), nun esforzo colectivo que resultou decisivo.
Alineación do Millavén CP Lucense:
Martín e Rayan; Óscar (5), Nuno, Leo, Andrés, Breixo (4), Víctor (5), Aryan (2), Dylan, David, Hugo F., Hugo L. (3), Ernesto (5) e Nicolás (4).
Árbitros: Nicolás Núñez e Jose López.
