O equipo xuvenil masculino do Millaven CP Lucense pechou a primeira fase da Liga Galega cunha merecida vitoria fronte ao OAR Coruña, nun encontro que se preveía esixente dada a rivalidade entre ambos conxuntos. OAR chegaba a Lugo co segundo posto da clasificación xa asegurado, pero foron os lucenses quen marcaron o ritmo dende o inicio.
A primeira metade foi unha exhibición de concentración e eficacia por parte do Millaven. Cun xogo fluído e unha defensa sólida, os locais chegaron ao descanso cunha cómoda vantaxe de 10 goles (21-11), deixando clara a súa superioridade. A pesar de que o OAR Coruña intentou reaccionar na segunda metade, a diferenza acumulada foi suficiente para que o Millaven controlase o marcador e selase o triunfo por 34-29.
Destacaron no apartado goleador Pablo, cunha impresionante marca de 11 goles, seguido de Amir con 7, e Samuel e Lucas, que contribuíron con 4 tantos cada un. Estes números reflicten o traballo colectivo dun equipo que estivo afinado tanto en ataque como en defensa.
O adestrador Josito non dubidou en destacar o mérito dos seus xogadores: “Foi unha vitoria de madurez, cunha primeira metade onde fixemos un balonmán moi bo”.
Con este resultado, o Millaven CP Lucense pecha a primeira fase na terceira posición e encara unha nova etapa na competición, onde se enfrontará ao BM Pontedeume, Balonmán Chapela, BM Rasoeiro, BM Cañiza e UB Lavadores. A ilusión e a confianza dun equipo que demostrou a súa calidade están máis vivas ca nunca en Lugo.
Millaven CP LUCENSE 34 (21+13): Enol, Martín y Alex; Pablo (11), Lucas (4), Adri (3), David (1), Hugo, Rodrigo (3), Samuel (4), Brayan (1) y Amir (7).
