O pasado domingo, no Pavillón Municipal Fontepedriña de Santiago de Compostela, o Lugo Sala Acasti Reformas disputaba un partido clave contra o A.D. Codima Ames Sport. Un choque que se presentaba igualado, non só pola clasificación senón tamén polo nivel de xogo dos dous equipos.
O Lugo Sala chegaba á cita despois de dous valiosos empates contra O Prrulo e o Troula Betanzos, coa moral alta e asentado na parte media da táboa clasificatoria. O A.D. Codima, pola súa banda, tamén chegaba cunha despois de lograr a vitoria no seu último partido, e empatado a 24 puntos co Lugo Sala, o que acrecentaba a rivalidade entre os dous conxuntos.
A primeira metade do partido foi equilibrada, cunha intensa loita por dominar a posesión. Ningún dos dous equipos logrou impoñer o seu xogo, o que levou a que as ocasións fosen escasas. O Lugo Sala non conseguiu materializar ningunha das súas chegadas, mentres que o A.D. Codima tamén se viu falto de precisión na súa ofensiva. Ao descanso, o marcador reflectía un xusto 0-0.
Xa na segunda metade, o encontro continuou con dinámica similar, pero o Lugo Sala foi máis efectivo nas súas aproximacións ao área rival. Xusto cando máis o partido pedía un cambio no marcador, Oli foi o encargado de romper a igualdade, colocando o 0-1 para o Lugo Sala, no minuto 35. Non obstante, a emoción non se detivo aí. O Codima non se rendeu e buscou a súa oportunidade, conseguindo empatar o partido ao redor do minuto 37. A pesar da presión final do rival, Miguel marcou un gol clave, sentenciando a vitoria para o Lugo Sala cun 1-2 no marcador final.
Alineación do Lugo Sala Acasti Reformas:
Marco, Anton Quiroga, Dani, Rafa, Nuno
Banquillo: Nico, Oli, Anton Otero, Miguel, Eric, Pedro
Goles:
Oli 1
Miguel 1
Os tres mellores xogadores do partido:
3 puntos: Nico
2 puntos: Quiroga
1 punto: Nuno
Clave do partido:
O acerto nas áreas, tanto na defensa como na finalización.
Frase do adestrador ÁLVARO:
«Partido para crecer e saber xogar en situacións complicadas e diferentes».
A próxima xornada, o Lugo Sala terá un emocionante derbi na capital lucense contra o Casás, un encontro que promete moita emoción para continuar coa boa racha.
