Miguel Serén e Aser Lage. Lideraron a Meigas na vitoria por 10-2
Categoría: Alevín – Sede 1
Pista: Monte Alto (A Coruña)
Data / Hora: 25/10/2025 – 11:15
Resultado ao descanso: 6–0
Resultado final: 10–2
Aliñación inicial CHL Meigas: Leo Arias (P) · Miguel Serén · Aser Lage · Álvaro López · Gael Deiros
Banquiño: Lucas Ferreiro · África Míguez · Lara González · Manuel Pampín · Xoel Somoza · Xoel Cayón
Goleadores: Aser Lage (5), Miguel Serén (3), Álvaro López (1), África Míguez (1)
Asistencias: Miguel Serén (5), Álvaro López (1), Valeria Corral (1)
Resumo do partido
O CHL Meigas impuxo o seu ritmo de xogo desde o primeiro minuto, cun ataque vertical e unha circulación moi rápida de disco en campo rival. A intensidade inicial serviu para aproveitar as perdas e os desaxustes defensivos do Lóstregos, abrindo unha fenda clara no marcador ao descanso (6–0).
Na segunda metade, o equipo mantivo o control do encontro e a eficacia nas finalizacións, sen deixar opción a reacción. O 10–2 final reflicte a superioridade do cadro lucense nun debut moi completo tanto no plano colectivo como individual.
Xogador destacado
Miguel Serén, con participación directa en oito dos dez goles (3 tantos e 5 asistencias), liderou o xogo ofensivo e deu mostras de gran visión e madurez sobre a pista.
Frase do adestrador, Alex;
“Esta xornada buscabamos mellorar a toma de decisións preto da portería rival e tamén o traballo das saídas de zona, asegurando o control desde o inicio da xogada.”
Próximo rival
O CHL Meigas medirá forzas ante Knights – Llongriguines na segunda xornada.
—————————————————————————————————————–
XORNADA 2.
O CHL Meigas reafírmase cun novo triunfo ante os Knights – Llongriguines (9–1)
O conxunto alevín lucense dominou de principio a fin, cun xogo moi ordenado e unha alta eficacia nas finalizacións.
Enfrontamento: CHL Meigas vs Knights – Llongriguines
Categoría: Alevín – Sede 1
Pista: Monte Alto (A Coruña)
Data / Hora: 25/10/2025 – 17:00
Resultado ao descanso: 4–1
Resultado final: 9–1
Aliñación inicial, CHL Meigas: Leo Arias (P) · Miguel Serén · Aser Lage · Álvaro López · Gael Deiros
Banquiño: Lucas Ferreiro · África Míguez · Lara González · Manuel Pampín · Xoel Somoza · Xoel Cayón
Goleadores: Xoel Somoza (3), Aser Lage (2), Miguel Serén (2), Xoel Cayón (1), Gael Deiros (1), Manuel Pampín (1)
Asistencias: Miguel Serén (2), Xoel Somoza (2), Aser Lage (1)
Expulsións / Penalizacións: Ningunha
Resumo do partido
O CHL Meigas controlou o encontro con claridade desde o punto de vista táctico. A proposta baseouse en circulacións a media pista combinadas con reentradas rápidas e unha excelente lectura das segundas xogadas en zona ofensiva. Grazas a esa orde e criterio, o equipo instalouse con comodidade en campo rival, mantendo o dominio da posesión e xenerando ocasións constantes ata pechar o encontro cun sólido 9–1.
Xogador destacado
Xoel Somoza — brillante na produción ofensiva, asumindo finalizacións desde tiro exterior e sendo clave no control do ritmo en ataque.
Frase do adestrador, Alex;
“Nun partido así corríase o risco de baixar a concentración, pero a idea era seguir traballando circulacións a media pista, reentradas rápidas e segunda xogada, mantendo criterio e intención en cada ataque.”
Próximo rival
O CHL Meigas enfrontarase ao Ártabros Hockey Club na seguinte xornada.
