O Casás ofreceu unha gran imaxe durante boa parte do encontro, pero a efectividade visitante marcou diferenzas
Alevín Preferente Masculino
Casás vs Acasti Reformas Lugo Sala
Resultado ao descanso: 0–2
Resultado final: 3–8
Aliñacións:
— Casás: Anxo, Martín, Romay, Pablo Arias, Dani
— Lugo Sala: Nico (porteiro), Xabi, Oli, Brais, Otero
Banquiños:
— Casás: Andrea, Leo, Enzo, Eloi, Nico, Raúl
— Lugo Sala: Miguel M., Mateo V., Rafa, Quiroga, I. Villamor, Enzo
Goleadores:
— Casás: Pablo Arias, Enzo (2)
— Lugo Sala: Brais (2), Mateo V. (2), Oli, Enzo, I. Villamor, Miguel M.
Destacados da xornada:
— Casás: Raúl, Dani, Pablo Arias
— Lugo Sala: Brais, Mateo V., Miguel M.
Resumo do partido:
O derbi alevín ofreceu unha primeira parte de alto nivel competitivo, cun Casás moi serio en defensa e xerando numerosas ocasións, pero atopándose cun porteiro rival moi seguro. O Lugo Sala non estivo cómodo nos primeiros minutos, sufrindo en varios duelos e concedendo situacións, aínda que soubo resistir e aproveitar dúas accións de estratexia e boa combinación nos últimos instantes do primeiro tempo para marchar ao descanso cun 0–2. Na segunda metade Miguel Múñoz decidiu dar un paso adiante a nivel defensivo, gañando máis duelos e xerando un maior volume de ocasións, o que lle permitiu ampliar a vantaxe. O Casás, lonxe de baixar os brazos, seguiu competindo e aproveitou as súas oportunidades para recortar diferenzas e manterse no partido durante varios tramos. Co paso dos minutos, o cansazo local e a maior efectividade visitante nos momentos clave fixeron que o Lugo Sala fose abrindo fenda ata o 3–8 final, nun encontro no que o marcador non reflicte por completo a igualdade vivida durante boa parte do duelo.
Clave do partido:
A maior efectividade do Lugo Sala nas áreas e a capacidade para xestionar mellor a segunda parte, fronte á falta de puntería do Casás nos metros finais.
— Frei (Casás): “Muy contento por el trabajo de este gran grupo que sigue creciendo semana tras semana.”
Próximo enfrontamento:
— O Casás desprazarase a Ferrol para medirse a O Parrulo, nun novo reto para seguir medrando como equipo.
— O Lugo Sala recibirá en Lugo ao 5 Coruña La Estrella, nun duelo directo entre o segundo e o terceiro clasificado.
