Nun partido igualado e de alta intensidade, os dous equipos chegaron á xornada empatados a 26 puntos, co obxectivo de sumar para afianzarse na metade superior da clasificación. O Lugo Sala Acasti Reformas, a pesar de loitar con forza, non conseguiu sumar os tres puntos, caendo por 5-4 fronte ao Troula Betanzos F.S.
Alineación do Lugo Sala Acasti Reformas:
Asier Gil Cadavide (porteiro), Lucas Nogueiras Pires, Xoel Pena Paderne, Alex Freire Rey, Mateo Soto Veiga.
Banquillo: Pablo Arias López, Daniel Villamor Vázquez, Yerai Álvarez Ruas, Enzo Villalta Ceide.
O partido comezou cun ritmo elevado desde os primeiros minutos, cunha clara batalla pola posesión do balón. Ambos os equipos non dubidaron en arriscar, e as ocasións foron abundantes. O Lugo Sala foi o primeiro en adiantarse no marcador con gol de Lucas no minuto 10. Non obstante, a reacción do Troula foi inmediata e conseguiu o empate, uns minutos despois, foi novamente Lucas Nogueiras que empataría o encontro.
A primeira parte mantivo a tónica intensa, sen que ningún dos dous equipos lograse dominar claramente, o Trula volveu empatar o partido e poñerse por diante, cando todo parecía apuntar a que o equipo local chegaria a o descanso por diante, apareceu Alex Freire para dar o empate ao Lugo Sala antes do entretempo.
Na segunda parte, as cousas non cambiaron moito. O Troula intentaba aproveitar os espazos en defensa do Lugo Sala, pero os locais non deixaban de xerar perigo coas súas contras. O Troula adiantouse 4-3, un gol que fixo saltar as alarmas no equipo lucense. Non obstante, un erro defensivo facilitou que o Troula ampliara a súa vantaxe a 5-3, un golpe que parecía deixar sen opcións ao Lugo Sala. A pesar diso, o equipo local non baixou os brazos e, a falta de dous minutos, lograron recurtar distanzas cun gol de Lucas, que fixo o 5-4.
Os últimos minutos foron de total dominio do Lugo Sala, pero sen tempo para lograr a remontada, xa que o Troula conseguiu manter a vantaxe. O partido rematou cun 5-4 que, a pesar de todo, deixou boas sensacións no equipo local, que non parou de loitar ata o pitido final.
Os tres mellores do partido:
3 puntos: Lucas Nogueiras
2 puntos: Alex Freire
1 punto: Xoel
Resumo:
A pesar da boa entrega e os esforzos, os erros defensivos fixeron que o Lugo Sala Acasti Reformas non puidese sumar os tres puntos no día de hoxe. A loita e a intensidade mostradas polo Lugo Sala foron destacables. Agora, toca centrarse no próximo partido, que será un reto maior, ante o líder destacado, o O Parrulo F.S.
