O equipo lucense pasou dun 0-3 inicial a un 9-7 final, nun partido cheo de goles, intensidade e personalidade.
Cadete Preferente Masculina
Lugo Sala Acasti Reformas– CD Laca, Sicilia in Bocca
Resultado ao descanso: 3-3
Resultado final: 9-7
Aliñación: Álvaro, Gabri, Mateo, Pepe, Lucas
Banquiño: Joao, Pablo, Xoel, Alan, Antón
Goleadores: Gabri (3), Pepe (2), Lucas (2), Antón e Xoel
Destacados da xornada:
Antón, Álvaro, Gabri
Resumo:
Mal inicio de partido, onde o equipo rival, nas tres primeiras ocasións, marcou tres goles, deixando desconcertado ao Lugo Sala nos primeiros minutos.
O conxunto lucense tardou en atopar o seu xogo ante un rival moi pechado en 12 metros, pero o primeiro gol actuou como un punto de inflexión.
A partir de aí, o equipo comezou a circular mellor o balón, xerando máis mobilidade e confianza, o que lle permitiu empatar antes do descanso e recuperar por completo as sensacións positivas.
Na reanudación, o Lugo Sala saíu moi enchufado e marcou dous goles nos primeiros minutos, logrando darlle a volta ao marcador e impoñendo o seu ritmo.
O rival viuse obrigado a subir liñas, e o partido converteuse nun intercambio de golpes no que os locais foron máis efectivos.
O Lugo Sala xestionou ben a vantaxe e, malia dous goles finais do contrario, mantivo o control do xogo e deixou claro que é un equipo con carácter e capacidade para reaccionar ante a adversidade.
Clave do partido:
Empatar antes do descanso e romper o partido nos primeiros dez minutos da segunda metade foron as chaves da remontada.
Frase de Miki :
Partido para que os rapaces gañen confianza, pero sabendo os aspectos que hai que mellorar individualmente e como grupo.
Próximo rival:
O Lugo Sala Acasti Reformas viaxa a Ferrol, para enfrontarse contra o líder invícto da categoría, O Parrulo F.S.
