Un triunfo traballado e merecido permite aos lucenses pasar a cuartos de final da Copa Galicia.
Octavos de final Cadete Copa
Lugo Sala Acasti Reformas – A Quinta de Tui FS
Resultado ao descanso: 0-0
Resultado final: 3-0
Aliñación: Álvaro, Mateo, Antón, Gabri, Lucas
Banco: Joao, Pablo, Sergio, Pepe, Xoel
Goleadores: Pepe, Gabri e Joao
Destacados da xornada: Pepe, Álvaro, Joao
Na primeira parte, Lugo Sala iniciou o encontro con claridade, dominando os primeiros 10 minutos, facendo o 1-0 de Gabri e xerando ocasións que poderían ter suposto un 2-0 rápido. Tralo primeiro tanto, o equipo relaxouse, o que permitiu que os de Tui se asentasen no partido, mantendo o xogo moi equilibrado e sen crear ocasións claras ata o descanso.
Na segunda metade, o rival intensificou a súa presión alta, intentando roubar preto da portería local e aproveitar calquera descoido para marcar. Os de Miki, aínda non moi cómodos co xogo, souberon manter a compostura e aproveitaron un balón parado para marcar o segundo gol, por medio de Joao, e logo, coa boa defensa do porteiro xogador, anotou un terceiro tanto que sentenciou o encontro. O equipo lucense logrou así controlar os momentos críticos e asegurar a vitoria, garantindo o pase aos cuartos de final da Copa Galicia Cadete como único representante da provincia.
Clave do partido: Non haber encaixado o empate e anotar o segundo gol nos momentos complicados.
Frase de Miki:
«Pase de ronda, a pesar de non haber estado conectados ao partido.»
Próximo enfrentamento:
Os de Miki viaxan a Vigo para medirse co Pecheches FS nos cuartos de final, quedando como único representante lucense na Copa Galicia Cadete.
