O equipo alevín feminino do Casás pechou a súa participación na Copa cunha derrota ante O Parrulo F.S. nun encontro disputado este domingo no Pavillón da Malata. As xogadoras adestradas por Juan Carlos fixeron un esforzo notable durante todo o encontro, pero pagaron caros os erros iniciais na presión alta e nos repregues defensivos.
O Parrulo F.S. 6 – 0 Casás
Descanso: 2-0
Alineación inicial de Casás: Cintia, Noa López, Nerea, Catalina, Uxía
Banquiño: Yaisa, Aldara, Ildara, Noa Castro, África, Daniela
Primeira metade: bo inicio con dous erros fatais
Casás saíu coa intención de morder arriba e presionar a saída de balón rival, pero dúas descoordinacións na presión inicial foron aproveitadas polas locais para poñerse 2-0 antes do descanso. A partir dese momento, as visitantes conseguiron axustar as liñas e comezaron a roubar balóns en zonas altas, pero a falta de acerto nos metros finais impediu recortar distancias.
Segunda parte: insistencia sen premio
Na reanudación, Casás mantivo a mesma intensidade e conseguiu limitar as opcións do rival durante boa parte do segundo acto. Pero, o desacerto cara á portería e algunhas transicións mal finalizadas volveron pasar factura. O Parrulo aproveitou os espazos deixados atrás para pechar o marcador cun claro 6-0, quizais demasiado amplo para o visto na pista.
As destacadas do encontro ;
3 puntos: Aldara
2 puntos: Catalina.
1 punto: Noa López.
Clave do partido segundo Juan Carlos:
“Os erros na presión e nos repregues marcaron o encontro.”
Declaracións do míster, Juan Carlos:
“Último partido da tempada cunha sensación agridoce, pero encantado coa progresión das nenas. Foi un ano moi bonito nunha categoría moi dispar.”
Aínda que a tempada remata cun marcador adverso, o crecemento do grupo ao longo do ano é innegable. Casás segue a medrar, sementando o futuro do fútbol sala feminino lucense.
