O equipo xuvenil feminino de Segunda División do Emevé San Lorenzo conseguiu unha nova vitoria ao superar ao Quiroga por 3-2, nun encontro intenso e igualado que se resolveu no quinto set.
Os parciais foron 25-13, 25-23, 19-25, 23-25 e 15-13, nun partido cheo de alternancias no que o Emevé San Lorenzo comezou dominando con claridade, pero o Quiroga reaccionou para forzar o desempate. No set decisivo, as lucenses mostraron carácter e sangue fría para pechar o duelo cun axustado 15-13.
Con este triunfo, o Emevé San Lorenzo sitúase no cuarto posto da clasificación, con dúas vitorias nos dous encontros disputados.
Na próxima xornada, o conxunto lucense volverá xogar como local, recibindo ao Xiria, terceiro clasificado, que chega con dúas vitorias e unha derrota tras tres partidos disputados.
