O equipo cadete feminino do Emevé Colexio San Lorenzo de Terceira División mpúxose ao Riveira por 3-1 nun partido correspondente á Terceira División.
O conxunto lucense comezou con forza, levando o primeiro set por un axustado 27-25, nun parcial moi igualado que se decidiu nos puntos finais. No segundo, o Riveira reaccionou e conseguiu empatar o encontro cun 19-25, aproveitando mellor os erros locais.
A partir de aí, o Emevé San Lorenzo retomou o control do xogo. Cun bo nivel en recepción e máis eficacia no ataque, as lucenses dominaron o terceiro e o cuarto set, que pecharon con idéntico resultado de 25-20, asegurando así o triunfo por 3-1.
Con esta vitoria, o Emevé Colexio San Lorenzo sitúase terceiro na clasificación, con dúas vitorias consecutivas tras a derrota inicial.
Na próxima xornada, o equipo lucense volverá xogar na Casa do Deporte, onde recibirá ao Maniotas, líder da categoría con pleno de vitorias.
