O equipo cadete feminino de Primeira División do Emevé estreou o seu casilleiro de triunfos tras impoñerse ao Teis por 3-0 nun encontro moi competido e decidido pola maior firmeza das lucenses nos momentos clave.
Os parciais foron 25-18, 25-23 e 28-26, reflectindo a igualdade dun partido no que o Emevé soubo manter a calma e aproveitar as súas opcións nos finais axustados de cada set.
Con este resultado, o Emevé suma a súa primeira vitoria da tempada, un impulso importante para o equipo.
Na próxima xornada, o conxunto lucense volverá xogar na Casa do Deporte, onde recibirá ao Korbis no derbi provincial.
