O Arenal Emevé cadete feminino sufriu a súa segunda derrota consecutiva na Primeira División, ao perder por 3-0 na súa visita ao Pontevedra.
O encontro estivo dominado polo conxunto local, que se impuxo con claridade nos tres parciais: 25-11, 25-16 e 25-15. As lucenses non conseguiron manter o ritmo nin a consistencia no xogo ante un rival moi sólido en todas as facetas.
O Emevé, que iniciara a tempada coa derrota no derbi provincial ante o Ribeira Sacra por idéntico resultado (3-0), buscará estrearse con vitoria na próxima xornada, cando debutará como local na Casa do Deporte fronte ao Teis.
