O equipo alevín masculino de Primeira División do Emevé estreou o seu casilleiro de triunfos tras vencer ao Aldebarán por 3-1, nun partido moi igualado e disputado de principio a fin.
Os parciais foron 24-26, 25-7, 25-23 e 25-23. O Emevé empezou cedendo o primeiro set por un axustado marcador, pero reaccionou con forza no segundo, onde impuxo o seu xogo con claridade. Nos dous seguintes, o conxunto lucense mantivo a concentración e a intensidade para resolver ambos por 25-23 e selar así a vitoria.
Con este resultado, o Emevé sitúase no terceiro posto da clasificación, logrando a súa primeira vitoria da tempada nos dous partidos disputados.
Na próxima xornada, o equipo lucense volverá xogar na Casa do Deporte, onde recibirá ao Korbis no derbi provincial.
