Gran vitoria na casa ante o Ribadosar e derrota en Viveiro tras unha segunda metade complicada.
O Infantil Masculino do Millavén CP Lucense viviu unha fin de semana de dobre compromiso con sensacións moi diferentes. Os lucenses deixaron unha imaxe moi sólida o sábado diante da súa afección, mentres que o domingo non puideron manter o nivel mostrado no desprazamento a Viveiro.
No encontro do sábado, Millavén asinou un partido moi completo ante o Ribadosar, apoiándose desde os primeiros compases nun gran traballo defensivo que lle permitiu controlar o xogo. Esa intensidade atrás traduciuse nunha vantaxe de 17-9 ao descanso. Na segunda metade, o equipo lucense mantivo a mesma liña, incrementando ademais o acerto ofensivo para lograr un contundente parcial de 23-8 e pechar o encontro no definitivo 40-17.
O domingo, no Municipal de Viveiro, o escenario foi ben distinto. Millavén mantívose no partido durante os primeiros vinte minutos, chegando ao descanso cunha renda favorable de 10-12. Porén, tras a reanudación, os lucenses non lograron atopar continuidade no seu xogo e unha segunda metade moi complicada impediulles sumar o segundo triunfo da fin de semana, rematando o encontro cun 31-22 favorable ao BM Viveiro.
No partido do sábado destacou Ernesto, máximo anotador con 10 goles, ben acompañado por Nuno e Breixo (7 cada un), nun encontro de claro dominio colectivo. No duelo do domingo, Ernesto volveu ser o principal referente ofensivo con 7 tantos, seguido de Breixo e Aryan (4), nun partido marcado pola irregularidade.
Millavén CP Lucense 40 – Ribadosar 17 (17+23)
Alineación: Martín e Rayan; Óscar (4), Nuno (7), Andrés (1), Breixo (7), Víctor (3), Aryan (3), Dylan, David (1), Hugo F., Hugo L. (4), Ernesto (10) e Nicolás.
Árbitros: Jose López e Juan Amedo.
BM Viveiro 31 – Millavén CP Lucense 22 (12+10)
Alineación: Martín e Rayan; Óscar (1), Nuno (1), Andrés, Breixo (4), Víctor (3), Aryan (4), Dylan (2), David, Hugo F., Mario, Ernesto (7) e Sergio.
Árbitro: Juan Amedo.
