O equipo benxamín do Millavén CP Lucense iniciou a tempada cunha derrota ante o BM Viveiro por 10-6, nun encontro no que os lucenses deixaron moi boas impresións e demostraron unha actitude exemplar.
Millavén CP Lucense: Roi, Gianni, Brais, Mateo e Tiago.
No seu debut, o Millavén logrou gañar un dos catro cuartos disputados, mostrando fases de xogo moi destacadas e unha gran entrega en defensa. O equipo mantivo unha boa intensidade e non deixou de loitar en ningún momento, afrontando cada parcial con ilusión e valentía.
Malia o resultado final, o Millavén CP Lucense fixo un partido serio e cheo de esforzo colectivo, deixando claro que conta cun grupo comprometido e con moito futuro por diante.
