As capitalinas dominaron o encontro desde o inicio e pecharon unha vitoria sólida en Burela.
Cadete Preferente Feminina
Burela FS vs Superti Ribeira FS
Resultado ao descanso: 0-6
Resultado final: 2-7
Aliñación: Antía Rodríguez Barral, María Granero Vázquez, Nerea Corral Meilán, Alma Díaz Fernández, Saínza Porto Carballes
Banquiño: Chloe Martínez Pujades, Xenia Luna Gómez, Shaila Barreiro Vázquez, Candela Vilarín Salvador, Paula González Mouriz
Goleadoras: María Granero Vázquez, Alma Díaz Fernández, Nerea Corral Meilán, Paula González Mouriz
Destacadas da xornada: Alma Díaz Fernández, Nerea Corral Meilán, María Granero Vázquez
Resumo do partido:
O Superti Ribeira FS saíu moi ben ao encontro e non tardou en adiantarse no marcador, mostrando seriedade e concentración desde o primeiro minuto. Lonxe de confiarse, o equipo mantivo un ritmo alto e unha boa circulación de balón, o que lle permitiu abrir unha importante fenda no marcador e acadar unha vantaxe de catro goles nos primeiros dez minutos. A superioridade capitalina foi clara durante toda a primeira metade, chegando ao descanso cun contundente 0-6.
Na segunda parte, co partido xa encamiñado, o ritmo baixou lixeiramente, algo que aproveitou o Burela FS para recortar diferenzas con dous goles. A pesar diso, as visitantes souberon controlar a situación, manter a calma e pechar o encontro cun claro 2-7 que reflicte o dominio mostrado ao longo do partido.
Clave do partido: Non confiarse a pesar do resultado.
Frase de Antía Corral: “Hai que seguir traballando”
Próximo enfrontamento: O Ribeira recibirá no derbi capitalino ao Lugo Sala, nun partido de alta intensidade. As locais aínda non cederon ningún punto xogando na casa, mentres que o Lugo Sala só perdeu un encontro como visitante.
