As capitalinas fixeron un gran partido, con goles de María e Alba, pero o rival acabou impoñéndose na segunda metade.
Preferente Alevín Femenina
Ribeira En Boas Máns vs Castro
Resultado ao descanso: 2-1
Resultado final: 2-4
Aliñación: Daniela Quijada, Cira Porto, Andrea López, Candela, Alba
Banquiño: Martina, Éire, Aldara, Claudia, Antia, Paula, María
Goleadoras: María, Alba
Destacadas da xornada:
- Martina
- Antia Piñeiro
- Paula
Resumo:
O encontro comezou coa mellor versión do Ribeira, dominando o balón e presionando con intensidade dende o primeiro minuto. A pesar de encaixar o primeiro tanto, o equipo non se veu abaixo e, tras unha gran xogada colectiva, María atopa o oco e asina o empate cun potente disparo. Co marcador igualado, o Ribeira seguiu propoñendo un xogo combinativo e, grazas a unha acción individual de Alba, que golpeou coa zurda con precisión, conseguiu poñerse por diante antes do descanso.
Na segunda metade, o equipo da capital mantivo o seu bo nivel e a súa actitude, facendo o traballado e gozando do xogo. As da Terra Chá, pola súa parte, tiraron de físico e de accións individuais para darlle a volta ao resultado. A porteira Daniela Quijada estivo sensacional, con intervencións decisivas e un gran manexo nos saques. A pesar do resultado final, o Ribeira deixou unha gran imaxe, demostrando que o crecemento e o compromiso do grupo van na boa dirección.
Clave do partido:
A diferenza física determinou o resultado final dun partido moi equilibrado en xogo.
Frase da adestradora, Luna:
«Este grupo de nenas é maravilloso, a liberdade de xogo, o disfrute e como cada semana afrontan os retos cun sorriso son os verdadeiros tres puntos que nos levamos.»
Próximo rival:
As rapazas de Luna viaxan ata A Coruña, para enfrontarse contra o Ventorrillo FSF, un partido no que un dos dous equipos pode poñer os seus primeiros 3 puntos na táboa.
