No Pabillón IES Beade en Vigo, o Casás F.S. afrontaba un encontro ante o C.D. Beade co obxectivo de sumar tres puntos importantes para continuar afianzándose lonxe dos postos de descenso na División Xuvenil Preferente Masculina. O equipo de Ángel soubo competir durante os 40 minutos e acadou unha vitoria clara por 5-9 nun partido moi disputado, onde destacaron todos os xogadores do equipo.
A primeira parte comezou co Casás ben colocado sobre a pista. Os de Ángel souberon ler moi ben os ataques do rival e, a pesar da orde defensiva do C.D. Beade, foron capaces de xerar boas oportunidades de gol. A acerto de cara á portería foi clave, e con goles de Samu e Pablo, o Casás foi levando a iniciativa. Con todo, os locais non deron o brazo a torcer e lograron responder con dous goles antes do descanso, o que fixo que se chegase ao ecuador do encontro cun marcador de 2-4 favorable ao Casás.
Xa na segunda parte, o equipo de Ángel saíu decidido a sentenciar o partido. Con un inicio brillante, os visitantes lograron marcar rapidamente e, aproveitando a necesidade do C.D. Beade de arriscar para recurtar diferencias, o Casás fixo seu xogo con máis liberdade. Os espazos foron aparecendo, e foron perfectamente aproveitados por xogadores como Samu e Pablo , que continuaron ampliando a vantaxe.
Dieguez tamén apareceu para aumentar a diferenza no marcador, e aínda que o C.D. Beade non cesou no seu intento de recortar distancias, o Casás mantivo a compostura e non perdeu o oficio durante os 40 minutos. O resultado final de 5-9 reflicte a superioridade dun equipo que soubo ser eficaz en ataque e manter a súa ordenación defensiva cando foi necesario.
A clave da vitoria, segundo Ángel, foi «non perder o oficio nos 40 minutos». A solidez colectiva foi fundamental para que os tres puntos se desputaran cara a Lugo.
Alineación do Casás:
Jandro, Manu, Samu, Pablo, Leiva
Banquiño: Jorge, Mateo, Carballo, Sergio, Nico, Dieguez
Goles:
Samu (3), Pablo (4), Dieguez (2)
Destacados: Todo o equipo, debido ao traballo colectivo e ao esforzo de cada un dos seus membros.
Tras esta vitoria, o Casás F.S. continúa na súa loita por manterse lonxe do descenso e centrado na súa próxima cita: no próximo partido recibirán ao Sala Ourense 2014 en Lugo. O Sala Ourense, situado tres puntos por riba do Casás, será un rival directo na súa loita por ascender na táboa.
