Os dous equipos ofreceron un encontro intenso, decidido pola constancia ao longo dos corenta minutos.
Infantil Preferente Masculina
Casás 7 – 2 Meigallos
Resultado ao descanso: 3 – 1
Resultado final: 7 – 2
Aliñación: Pesca, Vilor, Ossian, Ángel, Telmo
Banquiño: Sebas, Nico Varela, Nico López, Gayoso
Goleadores: Ossian, Gayoso (3), Telmo, Ángel (2)
Destacados da xornada: 1.Ossian 2.Gayoso 3.Ángel
Resumo do partido:
O derbi provincial comezou cun ritmo alto e cun Casás moi serio tanto en defensa como en ataque, logrando marcar dous goles nos primeiros compases que lle permitiron xogar con vantaxe no marcador. A partir dese momento, os locais souberon xestionar os tempos do encontro, combinando orde defensiva con boas transicións ofensivas para ampliar a diferenza. Os sarriaos non baixaron os brazos e conseguiron recortar distancias antes do descanso, deixando o partido aberto cun 3-1.
Na segunda metade, os de Frei axustaron mellor as saídas á presión rival e gañaron aínda máis consistencia defensiva. A pesar diso, Meigallos logrou poñer o 3-2, apertando o marcador e obrigando a un exercicio de madurez por parte dos dous conxuntos. Nese tramo, o partido mantívose moi competitivo, pero os capitalinos souberon xogar con solvencia ese momento de igualdade, acertando de cara á portería e ampliando progresivamente a vantaxe ata o 7-2 final. Terceira vitoria consecutiva dos de Frei, que lles permite manterse preto da parte alta da táboa.
Clave do partido:
A constancia defensiva e ofensiva ao longo de todo o encontro
Frase de Frei:
«Seguimos mejorando en todos los partidos y en todos los aspectos con este gran grupo.»
Próximo rival:
O Casás viaxará a Santiago para medirse ao Alto do Vento, coa intención de sumar a cuarta vitoria seguida e á espera dun posible tropezo dalgún dos dous primeiros para achegarse aos postos que dan acceso ao Campionato Galego Infantil.
