Os de capitalinos dominaron de principio a fin un encontro no que demostraron superioridade, intensidade e acerto de cara ao gol.
Casás – Os Meigallos FS
Resultado ao descanso: 7-1
Resultado final: 12-4
Titulares: Jandro, Pablo, Samu, Jorge, Bruno
Banquiño: Carballo, Jacobo, Diéguez, Paul
Resumo do partido:
O Casás asinou un partido brillante no derbi provincial fronte a Os Meigallos . A pesar de encaixar un gol moi cedo, o equipo capitalino reaccionou con forza e pasou a dominar por completo en todas as facetas do xogo. A intensidade, a precisión nos pases e o acerto de cara á portería rival fixeron que ao descanso o marcador reflectise un contundente 7-1.
Na segunda metade, o Casás continuou controlando o ritmo do encontro, aínda que cun punto menos de eficacia na finalización. Os Sarriaos melloraron algo en ataque, pero sen poñer en perigo real unha vitoria que xa estaba encarrilada. Os de Ángel mantiveron a seriedade ata o final, completando un encontro redondo e moi convincente cun marcador final de 12-4.
Goleadores: Pablo (2), Bruno (4), Paul (1), Diéguez (4), Jorge (1)
Destacados da xornada: Bruno, Diéguez e Pablo
O público gozou dun auténtico festival ofensivo, nun derbi que confirmou o bo momento do Casás e a súa ambición por seguir escalando na táboa.
Clave do partido:
A seriedade e concentración do equipo durante todo o encontro, combinadas cun gran acerto de cara ao gol.
Frase do adestrador, Ángel:
“Gran partido deste gran grupo.”
Próximo rival:
O Casás visitará ao Noia B, coa intención de manter a boa dinámica e seguir demostrando o seu potencial nunha das pistas máis complicadas da categoría.
