Gran posta en escena para comezar o ano cunha vitoria de mérito e moitos goles.
Preferente Xuvenil Masculina
Casás 9 – 6 Composala
Resultado ao descanso: 4-3
Resultado final: 9-6
Aliñación: Jandro, Bruno, Samu, Pablo, Jorge
Banquiño: Rodri, Jacobo, Isra
Goleadores: Bruno (4), Samu (2), Pablo (2), Isra, Propia porta
Destacados da xornada: Bruno, Samu, Pablo
Resumo do partido:
Casás comezou o ano recibindo ao Composala nun partido intenso e cheo de alternativas. Na primeira metade, os lucenses amosaron moito oficio en ataque, conseguindo adiantarse no marcador e chegar ao descanso cun favorable 4-3. Porén, varios erros defensivos permitiron ao rival manterse sempre dentro do encontro, aproveitando cada desaxuste para responder aos goles locais. Na segunda parte, Casás corrixiu os aspectos defensivos que penalizaran no primeiro tempo e deu un paso adiante como bloque. Esa mellora permitiu abrir fenda no marcador e xestionar con máis control o ritmo do partido. O Composala arriscou nos minutos finais co xogo de cinco contra catro, chegando mesmo a anotar dous goles, pero Casás respondeu con personalidade, mantendo a súa eficacia ofensiva e pechando unha vitoria moi completa por 9-6. Un triunfo que confirmou o bo momento do equipo cando traballa unido.
Clave do partido:
O gran grupo de rapaces que, cando traballan xuntos, marcan a diferenza.
Frase de Ángel:
«Empezamos el año con un buen sabor de boca en lo competitivo y en lo anímico.»
Próximo enfrontamento:
O Casás recibirá ao Vianariño de Viana do Bolo no primeiro partido da segunda volta do campionato, cunha nova oportunidade para seguir medrando e consolidarse na parte alta da táboa.
