Gran esforzo colectivo dos de Rober, que mereceron máis pola cantidade de ocasións xeradas.
Cadete Preferente Masculina
Galicia Gaiteira vs. Piringalla Bar O Cruce
Resultado ao descanso: 3-1
Resultado final: 4-1
Aliñación
Alejandro, Guerreiro, Adri, Roni, Araujo.
Banquiño
Aira, Said, Adrián, Nico.
Goleadores
Roni.
Destacados da xornada
Alejandro, Adri, Guerreiro.
Resumo do partido
O encontro comezou cun ritmo altísimo e con ocasións para ambos equipos, pero foi o Galicia Gaiteira quen conseguiu abrir o marcador tras unha das súas primeiras chegadas. Os lucenses responderon rápido e dispuxeron de situacións claras para empatar, ata que chegou unha xogada polémica na que se anulou un gol que sería o 1-1. Na acción posterior, os locais puxeron o 2-0, un golpe duro que os de Rober souberon encaxar mantendo a iniciativa ofensiva. Roni acurtou distancias co 2-1 e o equipo seguiu buscando o empate, pero unha perda nos últimos segundos da primeira metade derivou no 3-1, deixando a sensación de castigo excesivo.
Na segunda parte, a Piringalla Bar O Cruce saíu incluso mellor, presión alta, recuperación rápida e múltiples ocasións para volver meterse no choque. O rival tiña dificultades para frear o ritmo dos visitantes, pero nunha xogada illada chegou o 4-1 que practicamente sentenciou o duelo. A partir de aí, o Piringalla non deixou de intentalo, xerando continuidade no xogo, boas combinacións e chegadas moi claras, pero a pelota non quixo entrar. O esforzo, intensidade e compromiso competitivo do equipo foi notable e mereceron un resultado máis axustado polo visto na pista.
Clave do partido:
Un gran traballo colectivo de todos os xogadores.
Frase de Rober:
«Seguimos mellorando o traballo da semana anterior, competindo muy ben todo o partido a este paso non tardarán en chegar os puntos».
Próximo enfrontamento
O Piringalla Bar O Cruce mediarase ao FS Pontedeume, un partido no que tratará de transformar as boas sensacións actuais en puntos.
